【A&M Diary】近期國際新聞嘅焦點，都離不開國與國嘅緊張局勢，我哋當然希望世界和平啦，但依家喺我眼前就有一場激烈嘅爭霸戰！嚟到荃灣嘅小越廚，餐廳除咗越南菜之外，仲有泰國菜選擇，食住泰式生蝦仲可以嘆碗越南Pho，滿足晒兩個慾望之餘，味道方面仲要有驚喜喎！
泰式蠔仔煎蛋
蠔仔份量多又大粒，而煎蛋邊略為焦脆，香味十足，值得推薦。
泰式生蝦刺身
生蝦非常厚肉，而且彈牙爽口，加上酸辣的泰式青汁，非常醒胃。
泰式燒豬頸肉
輕輕烤過嘅豬頸肉迫出豐富嘅油脂，外層微脆嘅口感，而肉質唔會乾實，再沾上小越廚附上嘅泰式辣醬同百搭嘅青醬，酸辣滋味同時兼備。
