【A&M Diary】每次將醬汁淋上熱辣辣嘅鐵板上，嗰種「吱吱咋咋」嘅聲音，加上肉扒遇上鐵板嘅焦香味，絕對係雙重嘅享受！但講到港式鐵板餐嘅儀式感，又點少得酥皮湯呢？細個食鐵板餐，覺得係奢華嘅享受；而大個食鐵板餐，就梗係滿足嘅滋味。嚟到荃灣嘅西雅圖屋，重拾嘅唔係昔日嘅風味，而係工作一天後嘅滿足滋味。
白酒忌廉煮青口
青口新鮮肥美，淡淡的忌廉汁配上白酒烹調，鮮味非常突出。
德國鹹豬手
鍾意食肉嘅朋友，又點可以坐覺得個鹹豬手呢！德國鹹豬手份量十足，而豬手皮焗至脆卜卜，豬手亦非常入味，外脆內嫩！
招牌鐵板肉眼牛扒
肉眼有成10安士，淋上黑椒汁後，牛扒香味更加洶湧而出。牛扒肉質鮮嫩，而且火候控制恰好，令到牛扒非常Juicy；薯條炸到非常香脆可口。而餐湯方面，又點少得酥皮龍蝦湯呢！龍蝦湯非常濃郁，酥皮焗得酥脆鬆化，絕對係滿足嘅一餐。
