【A&M Diary】喺城市嘅市中心，人煙稠密，氣氛節奏急促，有時連食飯都要趕頭趕命，所以難得放假，真係要放慢腳步，調整一吓自己嘅生活。嚟到位於佐敦嘅Cafe Bonita，可以話係城市中嘅世外桃源！由一踏入餐廳就感受到嗰種慢活氛圍，加上一杯香濃咖啡同精緻嘅食物，同城市嘅喧鬧，形成獨特嘅恬靜。
脆炸田雞腿拌蛋黃醬
Cafe Bonita用上脆炸嘅方法嚟烹調田雞腿，入口鬆脆，但肉質鮮嫩多汁，加上田腿部肉質嘅彈性，形成強烈對比。想Cafe Bonita亦額外附上鮮檸檬同微酸嘅蛋黃醫作調味，除咗增加味道層次，亦能減輕油膩感。
香蒜蜆肉扁意粉
意粉嘅烹調時間啱啱好，口感爽口。雖然意粉嘅口感一流，但主角仍然係份量十足嘅蜆肉。蜆肉大粒飽滿，非常鮮甜，加上香蒜吊味，更加惹味！
西班牙海鮮飯
西班牙海鮮飯真係唔簡單！飽滿嘅飯粒，粒粒分明，充滿口感之餘，仲索晒由蜆、魷魚，蝦同青口等海鮮煮成嘅湯汁，充滿鮮甜味。
