【A&M Diary】韓國被譽為Cafe之鄉，每次去韓國旅行，都會特登去一啲極具特色嘅cafe打卡。韓國嘅cafe文化其實都滲入香港，唔少過江龍嘅cafe喺香港開設分店，其中包括位於尖沙咀海港城嘅Terrace in Seaside。
Terrace in seaside
源於韓國仁川，而香港分店以韓國總店為藍本，採用簡約白與大地灰兩種顏色作主調嘅木系設計，配以綠色植物佈置作裝飾，營造自然大地風格。
BBQ辣炒豬肋排
啖啖肉嘅豬肋肉肥瘦分明，用秘製嘅醬汁調味，非常惹味！食嘅時候可以將生菜夾上豬肋肉、洋蔥等配料一齊食，生菜除咗可以減低油膩感，更增加整道食物嘅口感。
讓人瘋狂的蜂蜜無骨炸雞
講到新興嘅韓國菜，又點少得炸雞呢！炸雞即叫即炸，外皮香脆，肉汁嫩滑，但食韓國炸雞，重點當然係醬汁啦！Terrace in seaside嘅炸雞醬汁有唔少選擇，呢個讓人瘋狂的蜂蜜，非常香甜，更可以減輕炸雞嘅油膩感，絕對係Perfect match。
泡菜牛肉炒飯
至於今晚嘅第一道主食，就揀咗泡菜牛肉炒飯。飯底炒到乾身，而泡菜融入炒飯中，令炒飯完美滲入泡菜嘅香味之餘，亦增加口感。
