為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
【now.com】Stanley（邱士縉）在昨（14日）天母親節推出首支個人單曲《來不及》，悼念於今年初因病離世的母親。Stanley更親身剖白拍攝新歌MV時的部分片段，指自己在拍攝時真情流露，中途更一度泣不成聲。
Stanley（邱士縉）一直遺憾未來得及讓因病離世的媽媽觀看自己的演唱會，而這份遺憾便成就了Stanley出歌悼亡母的想法。歌曲更特意找來吳林峰作曲、王雙駿監製，而填詞方面，吳林峰提議由小克擔任。原來起初Stanley不敢找小克參與，他說：「初初我Concern佢啲詞好深，但吳林峰叫我唔使擔心，同佢（小克）講就得，我絕對信任佢哋，所以就有咗小克老師嘅參與。」
結果小克所填的詞，未經任何修改，就成為了面世的版本， Stanley大讚說：「所有嘢好中，係一份好有感染力嘅詞，好多謝佢哋三位。」其中最為觸動Stanley的兩句歌詞是：「愛沒盡頭不必害怕」、「我會自強不需記掛」。言簡意賅，Stanley也坦言是自己的心聲：「我對媽媽嘅愛冇盡頭，會好叻仔去做成績俾佢睇。」
灌錄歌曲及拍攝MV期間Stanley都多次落淚，更表示初聽最新編曲時已崩潰痛哭，他解釋：「因為我明白自己唱歌唔係好叻，所以特別找來兩位歌唱老師練習，喺錄音前我唱過好多次都有喊。臨錄前，Carl Suk畀我聽最新編曲，我嗰下已經崩潰咗先，因為好touching，呢個就係音樂嘅魔力。所以錄歌嘅過程還好，未至於崩潰，但都有喊。」
導演李刀拿雖然第一次與Stanley合作，但仍花足心機，更表示會努力完成這個給Stanley媽咪的最後禮物。李刀拿為MV構思不同場景，加入了喪禮、Stanley年少時與母親之間的回憶片段等。Stanley憶想道：「我係屋邨仔，以前打籃球，媽媽喺屋企嗌落籃球場：食飯喇，細佬！我成日覺得好尷尬，叫佢唔好咁嗌我，全部人都望住我，我怕醜，後來進化到落嚟籃球場拉開閘門叫我食飯，一樣咁大聲，然後到最後變成Send Message畀我。呢啲係我同佢好記得嘅一啲回憶，好想喺呢個MV呈現一啲少少片段出嚟。」
而Stanley拍攝完成母親喪禮後回家的一幕更是真情流露，再一次傷心得泣不成聲，在場的工作人員亦被觸動至流淚。被問到給媽媽的最後話語，Stanley表示：「好多媽咪嘅心願都係小朋友開心就得，在於子女就會想媽咪見到自己成功嘅一面。佢臨過身前嗰段時間，都仲係好擔心我呢樣嗰樣，但我應承佢會努力，會照顧我個姪，會同哥哥繼續相親相愛，會有朝一日好叻仔喺台上拎獎可以多謝佢。呢個係我會好努力去做嘅嘢，唔係佢嘅心願，佢心願只要我開心、健康就OK，但作為兒子，我好希望佢會Proud of 有我呢個仔。」
