【Now新聞台】歐國盃A組，瑞士以3比1擊敗土耳其，保留小組最佳第三名出線機會。
兩場輸掉無入球還要包尾，土耳其再次來到半個主場的巴庫，贏回一場才有交代，尤馬斯挨後給艾漢一腳，未過到桑馬。
瑞士全場第一腳埋門就有收穫，施法路域禁區外轉身，左腳射回遠柱入，角度實在「刁鑽」，這邊的烏贊查基殊都要失守，瑞士6分鐘領先。
落後的土耳其多次嘗試遠射，包括左閘的梅度亞和中場的杜芬，但不是被桑馬救到，就是越楣而去。
土耳其未能追平，還被沙基利禁區外右腳射掛網，入他今屆賽事第二球，連同世界盃四個入球，沙基利大賽累積6個入球，26分鐘瑞士拉開優勢。
入球之後兩分鐘多，沙基利又有「單刀」機會，但烏贊查基殊出迎及時化解。
半場土耳其最搶鏡的是梅度亞，兩次埋中路起腳都是中龍，再來於左路個人突破更加精彩，瑞士前後三四人過去包抄，梅度亞都找到起腳機會，好在桑馬夠集中。
土耳其倚賴個人技術，去到62分鐘終於有收穫，來自中場的卡維治左腳射遠柱「曲墜」，桑馬鞭長莫及，土耳其追近1比2。
但瑞士很快就由蘇巴地波妙傳到沙基利左腳，大賽入球增添到第7個，成為瑞士歷來大賽入球最多的一位，瑞士68分鐘再拉開3比1。
加列沙卡禁區頂的罰球中柱彈出，表現出色的梅度亞尾段又一腳的埋門又被桑馬接實，最終瑞士保住3比1勝局，土耳其連輸三場，分組賽出局。
