抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
廣告
【Now新聞台】截至早上11時止，1小時內《彭博》搜尋量最多港股，依次為中國宏橋、紫金礦業、中國石油化工股份、比亞迪股份及吉利汽車。
資源股龍頭宏橋上周五(20日)派咗去年成績表，收入按年增長4%至1624億人仔，純利按年增長1%至226億人仔，而去年下半年表現較上半年有所放緩，去年毛利率亦向下，雖然唔派中期息，但末期息增至1.65元，息率約5.3厘，宏橋放榜後，股價今日(23日)一度急瀉逾12%，係咪因為估值太貴，集團股價去年累升2倍？
富昌證券聯席董事譚朗蔚認為，宏橋股價今日大跌主要受業績低增長及外圍因素影響，宏橋之前大升，除咗業績憧憬外，好大程度因為公司高息，不少A股及港股高息股ETF(交易所買賣基金)都將宏橋列為首5大持股，所以資金不斷湧入推高股價，但隨著中東戰事持續及減息憧憬降溫，外圍期貨商品價格受壓，有色金屬相關股份嘅表現都會受到影響，所以股份短線利淡。
Stevan話，可以留意34元水平，如果短線持續跌穿呢個水平，又彈唔返上去，可確認升浪斷纜，中長線而言，由於外圍氣氛波動，低位或要下試26元，建議想部署嘅投資者可以再等等。
