抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
廣告
【Now新聞台】截至早上11點，過去1小時內《彭博》用戶搜尋量最多港股，依次為港鐵公司、國泰航空、華虹半導體、中國石油化工股份及騰訊控股。
港鐵去年業績倒退，差過預期，雖然物業發展利潤按年增長8%，但似乎未能釋除投資者對港鐵前景嘅憂慮，尤其係投資物業方面，物業重估虧損擴大至20億元，點解喺樓市復甦下仍出現呢個情況？
大華繼顯執行董事梁偉源表示，港鐵盈利焦點一直係賣樓，雖然去年業績差過預期，但亦唔算太差，賣樓利潤仍升8%，由於本業增長唔多，加上租金管理又跌，拖累整體業績。
佢續指，會將焦點放喺未來融資、發展多條鐵路成本上，由於中東開戰，加上油價飆升，市場估計，美國聯儲局會推遲減息，港鐵融資成本將會比預期高，可能令投資者覺得前景唔明朗，導致股價今日(13日)一度大跌7.2%，低見32.08元。
Steven又話，由於本港物業市場發展最壞時間已過，未來可望穩步復甦，如果港鐵息率上升，仍有一定吸引力，前景亦不至於太悲觀。
