【財經TOP SEARCH】美團股價、營運暫難有起色

抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。

【Now新聞台】截至早上11時止，1小時內《彭博》用戶搜尋量最多港股，依次為美團、泡泡瑪特、平安好醫生、普拉達及華虹半導體。

市傳美團計劃發點心債，集資最多100億人仔，美團股價今日(24日)一度跌1.6%，低見98.4元，又失守「紅底股」。不過，集資金額其實都唔夠填補1季外賣業務嘅虧損，到底發點心債可以幫到美團幾多？

大華繼顯執行董事梁偉源指，外賣行業競爭持續，意味虧損情況唔會咁快有改善，美團第3季營運數據出爐前，股價都好難造好，雖然美團昨日(23日)錄得大成交量，股價收市企喺100元，不過，喺基本因素冇積極改善下，估計美團股價會繼續喺100元上落，直至營運數據有改善，股價先有望回升，所以發點心債對公司營運幫助唔大。