【Viu】COLLAR、ROVER同Sica今日出席《2025年度叱咤樂壇流行榜頒獎典禮》記者會，講到COLLAR今年氣勢如虹，有機爭組合金獎，咁會唔會著性感戰衣上陣呢？佢哋就話未知，但考慮每人都拖寵物上台，「寵物女團」有得諗喎！講到Day有份爭新人獎，姊妹們即表示對佢勁有信心，Day亦即場唱幾句新歌《これも愛》，好有愛呀！
至於ROVER慶幸「掹車邊」可以得到《叱咤》入場券，就算屆時坐足成晚都唔介意，當免費聽歌都夠開心，仲好興奮可以同一班前輩齊齊入圍《第23屆CASH金帆音樂獎》嘅「最佳樂隊演繹獎」 添！而Sica就花咗兩日時間設計快餐店Waiter造型，呢個制服Look又啱唔啱4位師弟心水呢？
此外，對於網上流傳MIRROR、ERROR、COLLAR、P1X3L同ROVER將於澳門出席倒數活動，到底佢哋使唔使返工呢？大家睇足本訪問就知啦！
