【Now新聞台】近期本地豪宅市道回暖，中信泰富表示，內地客對港島傳統豪宅區興趣增加。
近期樓市一手交投持續活躍，不單上車盤銷情暢旺，豪宅市道亦被看高一線，近年較少在港推出新盤的中信泰富，趁勢推售渣甸山豪宅項目的大單位。
中信泰富物業代理董事李肇文說:「息口向下，加埋關稅戰緩和及情況比較明朗，都加強咗買家入市意欲，見到5月份逾5000萬元嘅成交都有22宗，其中有3宗超過1億元，可到豪宅嘅動力開始嚟緊，步伐開始向上。」
他指出，留意到內地客對港島傳統豪宅區的認識逐步加深，令他們認為現在是推盤的合適時機，目前，項目預約參觀客戶中，內地客佔40%，李肇文不擔心經濟環境不明朗會令買家卻步，又看好今年豪宅樓價將會升5%。
李肇文說:「豪宅嘅買家好多都係高淨值買家，香港係一個背靠著祖國，有一個好貼近人民幣市場，一個港、美元資產嘅地區，而呢個資產配置對於佢哋嚟講係好合適，無論喺地理上，或資金流動自由。」
峻譽‧渣甸山去年在樓花期已開始以招標形式推售部分單位，但未有錄得成交，發展商強調，項目的地段優勢在市場上屬於罕有，期望成交價能反映項目真正價值。
李肇文說:「與其話我哋呢個項目係一個惜售項目，更想講係善價而沽，因為真係買一件就少一件，香港嘅豪宅從來都係供不應求，一直都有一個好強嘅保值、抗跌能力喺度。」
集團如何看本港整體樓市前景？預期何時會出現明顯反彈？
李肇文說:「內地人才計劃，其實輸入咗香港都差唔多有18萬人，整體人口結構或整體資金流向，再加埋依家發展商嘅成本，同埋過去兩年嘅土地成交引伸到嘅供應，都係見到將來似乎幾樂觀，可能去到28、29年嘅時候，我相信都會有一個幾大力度嘅反彈。」
集團在香港市場的長遠發展策略是怎樣？
李肇文說:「其實我哋一直都睇看好香港住宅市場，我哋亦一直密切留意市場上一啲優質項目，或者優質地皮，我哋都會去積極去參與。」
他又稱，集團旗下位於葵涌荔崗街的住宅項目正進行地基工程，預期2027年、2028年將以現樓形式推售，主攻換樓客。
