抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
廣告
【Now新聞台】截至早上11時止，1小時內《彭博》用戶關注度上升最多港股，依次為比亞迪股份、恒基地產、中國宏橋、紫金礦業、長和。
比亞迪發布「超級e平台」，推「兆瓦閃充」技術，充電5分鐘可以行470公里，相比Tesla嘅超級充電站，充電15分鐘先行到275公里，比亞迪無疑完勝Tesla，「超級e平台」可唔可以帶挈比亞迪股價向上攻頂？
富途證券首席分析師譚智樂認為，雖然充電技術對電動車非常重要，但佢認為係咪有必要「分秒必爭」充電，就視乎用家需要，如果只係日常用途，5至10分鐘嘅充電時間唔會造成太大困擾，所以Arnold認為呢個技術搞噱頭嘅成分更多，希望吸引投資者注意。
Arnold又認為，市場其實更關注電池價格及壽命，雖然品牌有更好嘅充電技術，無論如何都係一件好事，但最終都係要睇基本問題。
此外，有消息指，比亞迪計劃喺德國設廠，Arnold指出，若最終成事，增長空間將會更大，尤其中國製電動車喺當地有競爭力，比亞迪估值有望上調。
