抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
廣告
【Now新聞台】截至早上11時止，過去1小時內《彭博》用戶搜尋量最多港股，依次為快手，京東物流、京東健康、長和、國泰航空。
喺人工智能(AI)熱潮下，只要有AI呢個字就可以點石成金，快手自家AI大模型「可靈AI」升級後，帶挈股價連日炒上，港股今日(7日)走勢反覆，中午前一度倒升，全靠重磅科網股撐起。呢股中國AI熱似乎唔係3分鐘熱度，繼之前嘅DeepSeek後，最新又有國產嘅Manus接力，科技發展亦係「兩會」重點之一，AI概念股及科網股係咪仲有排升？
大華繼顯執行董事梁偉源指，近期港股重上高位明顯係靠科網股，自從DeepSeek一夜爆紅後，唔少科企都陸續推出自家AI模型，其中1個賣點係功能勁過外國嘅AI模型，而「兩會」昨日(6日)亦提及設國家創投基金，市場猜測基金嘅錢會唔會用嚟發展AI。
AI概念股方面，雖然港股嘅相關股份升咗唔少，但相對美股同類股份，估值仍然較平，所以見到近期有外資流入港股及A股AI概念股，配合到港股今輪由AI引發嘅升浪，Steven又估計，港股呢浸升浪仍未結束。
