為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
【Now新聞台】投資推廣署署長劉凱旋表示，專責團隊已引入逾140個家族辦公室(下稱家辦)，不過，基於私隱問題較難統計投資額。她又指，將於明年初公布「新資本投資者入境計劃」(CIES)投資範圍，將擴大至涵蓋家族辦資產的細節。
政府大力推動本港成為全球家辦樞紐，劉凱旋接受本台專訪時指，旗下家辦專責團隊2021年中成立以來，已協助引入逾140個家辦，有信心明年累計引入200個家辦，而近期落戶本港的家辦主要看中香港穩定的投資環境。
劉凱旋說:「香港亦都係一個好發達嘅金融中心，無論投資全球資產配置，或者透過股票通、債券通，投入到中國內地亦都非常方便，所以除咗可以做穩定嘅傳承，佢哋亦都可以做到多元化嘅全球資產配置。」
她續指，由於家辦重視私隱，亦毋須向政府申報投資，因此，較難估算它們實際為本港帶來多少資金，不過，若按照去年稅務條例修訂，家辦最少要投資2.4億元，才可獲稅務寬減的門檻估計，投資額相當可觀。
劉凱旋說:「以我所知，我唔可以開名，但近期投資推廣署都引進咗1家，據佢哋話畀我知投資額達90億元，所以其實係有小、有大，差異都比較大。」
此外，今年3月推出的「新資本投資者入境計劃」，截至11月底止，接獲逾700宗申請及逾6000個查詢，估計將帶來逾200億元投資，政府曾表示，舊計劃每年平均約4000宗的申請數字，可作為新計劃的參考，不過，現時仍相距甚遠。
劉凱旋說:「我哋新計劃頭一年已經超過咗舊計劃同期增長，其實暫時做比較嗰啲，無論係一啲專業人士，係一啲會計師，佢哋都要幫一啲申請人做申請，佢哋都話，其實新計劃都非常有吸引力。」
早前，「新資本投資者入境計劃」的投資範圍擴至住宅物業後，查詢是否明顯增加？
劉凱旋說:「到依家只係1個多月，其實明年初我哋都會進一步公布，包括《施政報告》提到家族辦公室持有公司，可以納入呢個計劃裡面嘅資產，所以我哋相信明年嘅申請會繼續有增長。」
投資推廣署又稱，未來會不斷改良「新資本投資者入境計劃」，亦會加強在東南亞等地推廣。
