為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
【Now新聞台】今年投資推廣署協助引入本港的企業數目，按年大增約50%，面對潛在貿易戰影響，署長劉凱旋對明年招商引資成績仍保持樂觀。
政府「搶企業」漸見成效，今年境內外企業駐港公司數目創新高。投資推廣署署長劉凱旋接受本台專訪時指，截至上月底止，今年署方協助引入逾500家企業，按年急增約50%，首年投資額合共逾600億元。
劉凱旋說:「之前因為疫情暫停擴張業務嘅公司，發現新增長點繼續喺亞太地區，所以佢哋繼續嚟香港擴張，同時政府亦不斷有新政策，或者資助、精力擺喺某啲行業，例如一啲創新企業，或者科技、綠色能源、金融科技方面，仲有生物科技，呢方面都見到有較大增長。」
不過，引進企業帶來的投資額僅按年增長約6%至7%，遠遜企業數目升幅，她這樣解釋。
劉凱旋說:「我哋其中一個最大來源地係中國內地，呢個係較去年同期大量增長，佢哋『出海』嘅第一步，一定係先嚟香港開設一家銷售公司，下一步再『出海』時，可能再考慮設立財資或供應鏈中心，所以第一步啱啱出嚟時，投資係會逐漸遞進。」
美國是投資推廣署今年引入企業的第2大來源地，雖然明年中美貿易摩擦有機會升溫，但劉凱旋表示，暫時未看到對招商引資工作有大影響。
劉凱旋說:「暫時看到啲公司都係比較正面，亦都唔見得因為特朗普(Donald Trump)上場等原因，而有任何收縮，我哋聽講可能佢哋會比較擔心，美資會直接投資中國內地嘅人工智能(AI)公司，我覺得香港反而係一個福地，因為香港係全中國唯一一個真正嘅國際都市。」
投資推廣署及引進重點企業辦公室的工作，均包括吸引創科等企業落戶，政府要開源節流，兩部門的職能會否出現重疊的情況？
劉凱旋說:「我哋同引進重點企業辦公室係完全無縫咁合作，我哋投資推廣署係覆蓋所有行業，除咗創科之外，包括金融行業、民生類如餐飲、消費者品牌、運輸物流，當然，如果我哋見到咁啱想搵一間公司，而呢間真係一間好重點嘅企業，我會主動聯絡引進辦同事，『睇嚟你哋做會適合啲』。」
投資推廣署表示，明年將繼續在傳統歐美市場發掘新業務機遇，並會加強在新興市場推廣香港，包括在土耳其增設辦事處。
