【Now新聞台】截至早上11點，1小時內《彭博》用戶關注度上升最多的港股，依次為富力地產、中國生物製藥、中國奧園、快手、華南城。
內房股今日再爆出兩單發債相關壞消息，係咪又再打殘呢個板塊？
大華繼顯執行董事梁偉源指，內房面對還款、支付利息壓力已經唔係新鮮事，問題係愈來愈多公司相繼出現狀況，內房資金鏈出現問題嘅情況令人憂慮，一定影響投資者信心。
Steven表示，雖然個別地方嘅貸款鬆綁，但投資者對房地產有機會「爛尾」感到憂慮，近呢兩個月嘅賣樓數字明顯減少，佢又話，新樓賣唔出等問題一定對內房現金流造成好大影響。
