【Now新聞台】截至早上11點止，《彭博》Top Search No.1為中國建材，第2至第5位分別為新鴻基地產、國泰航空、中生製藥及中國華融。
今日大部分水泥建材股炒上，AH股都大升。市場料上半年水泥行業利潤按年持平，但又憧憬下半年復甦，呢類股份到底值唔值得追落後？
圓通環球金融集團行政總裁曾永堅指，下半年中國基建及房產投資都處於回升趨勢，目前又追捧災後重建概念，相信市場對水泥、基建及機械設備都有一定需求。加上水泥建材股嘅估值，比起新經濟股較為抵買，又有基本面支持，估計未來一段時間，都會持續吸引到資金流入。
