【Now新聞台】截至早上11點，《彭博》Top Search No.1 為碧桂園服務，第2至第5位為世茂集團、美團點評、眾安在綫及富力地產。
物管股抖氣後，今日整個板塊都回勇，當中隻龍頭碧桂園服務可以破頂。但留意到，同業時代鄰上周四破頂，及後折讓約7%再配股集資7.8億，雖然市場似係無理，而家仲倒升，但會唔會誘發物管股一上高位就配股集資？
京華山一國際研究部主管彭偉新認為，對公司嚟講，股價升嘅時候就最適合集資。而家睇呢一啲物管股，都處於高位回調約10% 。但留意返，現時物管股嘅估值偏貴，若進行配股，有機會觸發大幅拋售，令股價升勢逆轉。
