【Now新聞台】截至早上11時止，《彭博》Top Search No.1為萬科企業，第2位至第5位分別為恒生銀行、舜宇光學、永利澳門、中國華融。
排係第三位的舜宇光學，跌穿100元水平，低見過98.3元，係2019年8月尾以來最低。股價低開，因爲出咗預測，舜宇對手機鏡頭模組的付運增長目標，比市場預期低10%，預料今明兩年盈利將會下降。消息公布後，多間大行唱淡，高盛調低舜宇目標價13%，由原來150元，調低至130元，花旗更將舜宇目標價降至115元。花旗提到舜宇另外一個問題，就係匯兌風險，美元兌人民幣匯價上揚，舜宇將有6億美金債務在2023年到期，呢個喺舜宇一個重要風險因素。
