【Now新聞台】截至早上11時止，《彭博》系統Top Search No. 1是藥明生物，第2至第5位分別為九龍倉集團、遠洋集團、五礦資源及九龍倉置業。
港元匯率連日來創下聯匯制度以來新低，最弱見7.8338水平。Now財經台評論員趙善真指，喺聯繫匯率下，香港要跟隨美國息口，市場預期美國會繼續加息，通脹會隨之而來，所以未來股市波幅會較大，加上港美息差擴大至1厘，提供足夠誘因比投資者換馬至其他貨幣。雖然暫時未有資金大舉流走，但悲觀啲睇，資金換馬至其他外幣，即係遲早都會走，所以金管局有機會係匯率波動嘅時候，出手穩定港匯。
