【Viu】MIRROR昨日(1日)全員出席新碟《12》簽名會,吸引大批鏡粉迫爆商場!12子受訪表示拍攝相集時勾起滿滿回憶,Edan仲話拎咗《12怪盜》劇本嚟做影相道具,極具紀念價值!講到Jeremy踢爆佢喺Stanley嘅峇里婚禮狂影黑圖,Edan笑指黑圖對象唔係Jeremy,反而係Jer跳《BAD》狂甩Steps,又話唔明點解Tiger嘅精壯背肌相會有Fans估係Jer囉!姜濤亦話婚禮感動到眼濕濕,講起畀大表哥主動錫錫仲好沾沾,又自爆第一晚飲到嘔添呀!Anson Lo同Tiger就分享頂酒趣事,教主話自己頂晒啲「硬嘢」,又大讚平時滴酒不沾嘅Jeremy今次好叻仔!
講到團綜笑爆一眾網友,姜濤好開心被Alton公主抱,仲即席叫Alton抱多次,又指定Tiger接力抱,虎仔即爆Seed話:「咁要Call威吔組喎!」笑爆全場!Edan大呻喺節目感受到被背叛嘅痛苦,Jer即刻話跣人係跟Edan學習㗎!想睇MIRROR互窒就睇足本訪問啦!
