【Now.com】「香港網球一哥」黃澤林（Coleman）昨晚在網絡直播中，親口證實與歌神陳奕迅愛女陳康堤（Constance）情已逝，正式為呢段維持僅半年的戀情劃上句號。
黃澤林早兩個禮拜，先喺名古屋亞運歷史性為香港勇奪男單網球金牌，之後馬不停蹄打上海大師賽，Coleman昨日（14日）返港後相約人氣YouTube頻道，JFFT成員食燒肉兼開直播慶功。席間主持米爺突擊追問感情狀況，黃澤林未有迴避，露出一臉無奈神情坦言：「完咗啦，係囉，冇嘢嘅。」
當再被問消息是否屬實，Coleman直認不諱，並交代接下來會「專心打波」，正式確認兩人已回復單身。
黃澤林與陳康堤今年2月首度傳出緋聞，及後於4月大方認愛，一度被外界譽為跨界「金童玉女」。雙方今年6月更曾在男方22歲生日時，於社交平台公開曬合照放閃。Constance爸爸陳奕迅亦曾親赴海外賽事現場為Coleman打氣，愛得相當高調。
不過呢後CC戀情僅維持半年，上月有網民發現兩人已在Instagram互相取消關注對方，互動驟減。隨着Coleman今次正面交代，佢哋呢段戀情亦正式告終。
