【Viu】音樂劇《大象的告別式2.0》今晚頭場公演，騷後Jeremy@MIRROR、強尼大哥受訪，表示聽到台下觀眾喪攞紙巾嘅聲音勁有成功感，更有感觀眾爆喊嘅moment比預期之中早咗添，大讚觀眾反應極佳呀！Jeremy仲話第一日演出計埋綵排，足足喊咗兩round 20分鐘，所以返到屋企都要搵嘢敷敷對靈魂之窗！
強尼就話二度演出的確有唔少改動，單係由企喺台邊變企台後位置，就感受不同！唔知佢有冇好似上次咁一完騷就直奔入化妝室大笑抽離？Jeremy又有咩方法抽離emo情緒？話晒第一次踏劇場台板，Jeremy話雖唔緊張，但身體卻很誠實，一早8點幾就自動波起咗身瞓唔返！
Jeremy指演音樂劇同開騷堅係兩回事，暫時自評8分，沾沾笑言對自己係高度評價㗎！唔知花姐又覺得Jeremy演成點呢？有冇被感動到？有冇喊？Jeremy為角色專登染返黑色頭髮，笑言覺得自己鋒利咗，又無意透露新髮色會用埋喺新歌MV！
強尼騷前多次表示戲服係sexy路線，最終又有幾sexy先？點樣可以做到着衫都性感？因咩事被服裝師下令唔准做gym？強尼終極劇透劇中有cosplay、又有擺動body，形容為破格演出！仔仔幾時嚟撐場？另外，嚟睇騷嘅嘉賓有Yoyo葛綽瑤、談善言，即刻去睇謝幕兼足本訪問！
