【Viu】《修哥九五至尊無限楓騷演唱會》今日下午喺紅館唱足4個幾鐘，一眾紅星嘉賓輪流上台撐修哥，包括汪明荃、薛家燕、羅嘉良、草蜢、BIG FOUR、莫文蔚等，滿滿嘅愛！修哥「亂點」BIG FOUR話以為佢哋好大隻，又高呼張衛健做「百良」，笑爆全場！不過健仔都大膽，敢叫修哥「sit sit」，又招攬前輩加入成為「BIG FIVE」，好想睇喎！
期間Eason驚喜登場，更練晒舞帶埋私伙女Dancers嚟battle舞王修，大膽呀！睇返20年前做修哥個唱嘉賓嘅片段時，又爆笑話：「嘩！點解我咁似謝霆鋒嘅？」其後又同霆鋒媽咪狄波拉問好兼攬攬，勁Gag呀！
到家燕姐出場，修哥so Gentle拖住對方，家燕姐又爆Seed：「真係唔好意思，要90幾歲扶70幾歲！」修哥都唔示弱：「我都冇搵你，你又自己嚟！」笑C了！嗱修哥話明年再見㗎，而家繼續睇住片先呀！
