【Viu】Fatboy@ERROR、Tsoul田曜誠、螢花女子足球隊助教蘇家豪、Kathy仔、表妹Mona、Tong Ming同樂琳等今晚為《 8點直樂 VIURIETY》落力玩遊戲，期間Fatboy不斷被姜濤嘅「擾敵政策」攻擊，攬到實恍如被搜身一樣，仲畀「姜徒」用忌廉抹面，SLDPK呀！
Fatboy笑認姜濤太愛自己，好擔心有朝一日會進化到錫頸，點知訪問期間姜濤就亂入喇！師傅又踢爆姜濤喺綵排時吮完手指再整青瓜卷畀大家試食，笑指呢位徒弟好難教呀！
講到被佘詩曼踢爆喺麻將枱上贏晒啲錢，Fatboy就謙稱只係贏少少，仲話依家好多藝人朋友約自己打牌，包括蒙嘉慧，不過Tsoul就耍手擰頭話唔敢約Fatboy砌磋喇！想知Fatboy打牌時有咩「大絕」可以逢賭必贏？Tsoul喺外國跳舞比賽得獎又有咩感受？街舞節目《Dance x Crew》第二季進度如何？大家睇足本訪問就一清二楚喇！
