【Viu】鍾嘉欣同Fatboy@ERROR今日出席Pickleball活動，仲落場切磋球技，Fatboy同隊友最後成功以15:11贏咗嘉欣x前奧運金牌得主李小鵬，威呀！Fatboy話之前有同小鵬打波，互有輸贏，仲沾沾話圈中人得許廷鏗可以同自己匹敵，姜濤只會畀自己「羞辱」，師傅好大口氣噃！Fatboy又話第一次見嘉欣心心眼，估唔到女神主動問自己「抄牌」，仲爆隊友Dee原本想跟埋嚟追星，奈何撞咗電影宣傳，笑言要執條毛送畀Dee哥。
講返為黎明演唱會任舞蹈總監，Fatboy原來係被Leon「點燈」親身上陣扮木偶，仲爆黎生有同自己講金句，SLDPK呀！Fatboy又澄清同佘詩曼、吳君如新年雀局冇設「天仙局」，只係好波不如好運啫！
此外，嘉欣自爆係因為老公而入坑Pickleball，直認同老公打波絕不留手。嘉欣親解主動向Fatboy抄牌嘅原因，原來係想認識小鮮肉，聽到姜濤早排受訪自認係《溏心風暴》Fans，嘉欣BB個反應超Real超好笑！想知就睇足本訪問啦！
