【Viu】殿堂級樂隊太極今晚喺啟德體藝館舉行《太極樂隊40週年巡迴演唱會-香港站》，同fans一齊慶祝「40歲生日」，high到encore咗兩次添呀！講到同fans大合唱《留住我吧》，五子都話好感動，連「Hi-Fi德」劉賢德都笑言個音壓係聽Hi-Fi都聽唔到㗎！
按照太極開騷傳統，有一part係向已故成員Gary Tong致敬，Ricky朱翰博自稱邊唱邊眼濕濕！然後五子突爆Gary Tong疑顯靈整蠱佢哋喎，咁堅？事緣Patrick雷有輝喺噚日rehearsal嗰陣唔見咗部手機，點知最後喺「蛇哥」盛旦華嘅褲袋入面，但蛇哥聲稱冇行過去Patrick嗰邊，亦冇印象攞過Patrick部電話，究竟發生了甚麼事？
呢晚嘅特別嘉賓係《紅色跑車》MV女主角吳君如，五子話恨搵佢做嘉賓好耐㗎啦！然後君如抵死反問Patrick係咪想搵舊愛李麗珍做MV女主角，事後Patrick笑言君如有錫住佢嚟講嘅，又指係過咗去嘅事，反擊君如都有好多舊情添！
至於收到偶像「歌神」許冠傑嘅新歌做生日禮物，五子都好開心，特別係視歌神為偶像嘅Joey Tang！咁點解唔邀請埋歌神嚟做嘉賓呀？即刻去片聽歌兼睇足本訪問啦！
