【Viu】ERROR隊長Fatboy同保錡今日出席 ViuTV 《第十五屆全國運動會》記者會，久未公開露面嘅保錡，否認因合照風波遭雪藏，而係主動向公司請假修讀運動課程，仲考埋PT牌照添！不過，保錡坦言經一事長一智，今次汲取咗教訓，唔會再玩火自焚，仲澄清同叻哥互不認識，只係影咗張合照啫，之後都會謹言慎行！
至於Fatboy就話睇杜德偉演唱會Mood到先脫掉，遭保錡反問點解唔除褲，隊長即活學活用，話唔好「玩火自焚」，有料呀！講到監製細榮po咗同姜濤開會嘅照片，負責排舞嘅Fatboy輕輕「滲透」姜濤個唱資訊，仲話收埋咗張徒弟仔嘅「頭盔相」，大家想知係咩就睇足本訪問啦！
