【Viu】李居明大師、江欣燕、龍貫天等今日為《粵劇特朗普4.0》首場進行拜神儀式，裝上「假大胸」嘅欣欣，訪問期間不斷講有味笑話，難怪獲龍貫天封為開心果！首次踩入粵劇界嘅欣欣，坦言緊張到幾晚瞓唔著，又笑指多得大師「禁室培育」先可以唱到大戲，並笑認做咗「衫級女星」，皆因自己連出浴戲都係有衫著㗎，唔怕畀大家睇蝕！
至於李居明就講返兩套賀歲片《夜王》同《金多寶》嘅排片係按照觀眾需求，自己旗下嘅新光黃埔亦冇「大細超」，又預計今年嘅電影巿道暢旺，加上旺女明星，所以周星馳嘅大作《少林女足》一推出就會勢如破竹咁話！想知道更多娛樂圈預測就睇足本訪問啦！
