【Viu】「On仔」陳健安今晚喺西九舉行「時的狀態演唱會2026」尾場，雖然騷前自爆「打敗仗」病咗，但並無阻On仔晒靚聲，仲越唱越好添！佢又化身地表最強sales，落力推銷全身上下嘅周邊，聽到「族人」一致報以「嘩～」聲回應，情緒價值滿滿呀！
之後On仔去到後段多次同族人大合唱，玩到勁high，最後更原地二度encore冧fans，唱完《重生》後終於忍唔住爆喊，淚崩如當年攞唱作人金獎咁！
騷後On仔話頭場唱到中間把聲突然冇咗，都係第一次叫族人幫手唱《好好掛住》，直到唱到紀念爸爸離世20年嘅新歌《梨子》，把聲就開始有返，令佢都不禁猜測係咪爸爸「發功」！
On仔感謝fans冇post啲走音片，趁尾場開騷前亦有去照聲帶，更一度考慮係咪需要打針！
C AllStar嘅3位兄弟睇咗頭場，唔知佢哋今年有冇機會合體呢？另外，呢晚嚟睇騷嘅有雲浩影、陳柏宇、陳蕾、鍾雪瑩、阿正、黃淑蔓、Tsoul、力臻、Stone、Regen張惠雅、黃凱逸等，On仔見到Stone即場挑機三盤兩勝，點知最後都係戰敗，會唔會太好笑？快啲去睇足本訪問兼聽歌啦！
