【Viu】On仔陳健安早前推出新歌《好好掛住》，呢首歌係專誠造嚟安撫失去親人嘅媽咪，但樂天嘅On媽起初唔知情，淨係冷靜咁讚好聽，知情後就有啲沾沾喇！
講到MV邀得老友Anson Kong演出，On仔笑指AK都係時候還《REBOUND》嘅債喇，仲爆AK畀愛犬「猜柴」搶盡風頭，經過畫畫疏導失去愛貓「花花」嘅情緒後，AK仲攬住On仔講多謝。呢份友誼，On仔最感謝DJ兼填詞人Oscar做「中間人」，又謝MIRROR好多成員都係氣氛擔當，氹得大家好開心。
至於點解搵《全民造星V》嘅Tiger Foo拍MV，On仔否認偏心，皆因Tiger喪母嘅經歷同新歌主題不謀而合。佢仲分享返作為導師嘅苦與樂，又話欣賞拍檔陳蕾夠癲，自己都有陪佢走過飽受批評嘅挫折之路，同時喺參賽者身上教學相長。
