【Viu】193@ERROR今日單拖現身婚紗節做嘉賓，抵死笑言參照噚日Gareth.T唱sad歌，所以揀咗《睡到三點》加兩隻sweet歌《再次Puppy Love》、新歌《你的名字我的聖詩》，冧爆全場老婆呀！
33透露立志明年增產兼增甜，望每隔2個月出一首歌，total 6首，要做一個集合甜蜜、熱情、友愛、love and peace於一身嘅人氣歌手！出名計仔多多、有遠見嘅33，已經度定下一步，就係做「月經歌手」同「節日歌手」，到時每個月出一首歌兼專攻節日派歌，遲吓清明、重陽節、盂蘭節等都有33嘅歌陪伴，會唔會太sweet？
暫時33目標鎖定明年情人節，近排係咁催老best Delta T交歌，希望趕得切啦！如果係合唱歌嘅話，會唔會搵緋聞女友Candy合唱？繼而33搞笑爆Ivy So曾錯失同佢傳緋聞機會，件事又係點嘅呢？聞Ivy So爆咗佢做舞台劇金主嘅呢條發達大計，身為「三天下」創辦人嘅33又點回應？
同為「職業」籃球員嘅33透露《公司逼我打籃球》有機開第二季，仲話傳有外國藝人球隊向公司request打friendly，呢單嘢堅係估唔到！唔知第二季係咪真係飛日本拍？
另外，33最近忙於宣傳新歌《你的名字我的聖詩》，搵嚟多位老友cover，除咗Candy，仲有冇女神級嘉賓？last day會派出邊個？佢又親解同阿Dee拍片嘅迷之角度，帶起Gen Z潮流？再講到嚟緊嘅倒數騷，33有冇再爭取唱solo？想知就要睇足本訪問啦！
