【Viu】Jeffrey魏浚笙今日現身時裝品牌活動，講到佢最近獲Kaho洪嘉豪賜封「城武樣」新朵，煨sir抵死笑話Kaho同自己係同類人，都係唔知自己講緊乜，呢吓「自知之明」會唔會太搞笑？
佢仲透露同Kaho、陳蕾個合體騷籌備得如火如荼，加碼預告到時會有首歌係同Kaho全程齋笑，咁都幾另類，難怪陳蕾話對住呢對孖寶係會忍唔住瘋狂發白眼！然後又回到騷肌問題，煨sir話到時要depend on個mood，可以考慮吓邊唱《老積》邊除衫騷吓入面有幾老積喎！
好兄弟Edan@MIRROR man爆出post，認對馬來西亞女神林明禎有好感並正追求對方中！Jeffrey一聽到「Edan」呢個keyword就變講經佬，先玄爆指人與人嘅相識係靠緣份，後又話要相信命運，仲拉埋天氣嚟講，最後出大絕稱血壓高叫大家放過佢，so cute！不過Jeffrey否認係媒人，畀啲空間「緣份」！
近日孖Edan合唱嘅Jace陳凱詠都有出席活動，同樣被問到Edan認追明禎BB，Jace一秒入戲扮口窒兼手震，又即刻同Edan割蓆話私下零溝通、完全唔熟，笑死全場嘅人！問到覺唔覺得「可風」男神Edan可以追到明禎BB？Jace搞爛gag將「明禎」講成「明星」，仲話追星好添！莫非Jace係暗地裏力撐Edan開turbo追女神？
至於提起Jace今年已經有兩首作品攞903冠軍歌，被指有望年尾攞女歌手獎，Jace又有冇信心？客串舞台劇《Di-Dar音樂劇場》又有咩趣事？
同場仲有啱啱過咗生日嘅kayan9896、鍾雪瑩、同埋泰國女星「最美小優」Prim！佢話係首次以工作身份嚟香港，想去參觀維港景色同埋食蛋撻！身為「泰國女孩時裝教課書」嘅Prim亦有開心share穿搭心得添！快啲click入嚟睇足本訪問啦！
