【Viu】經過近三星期嘅美加巡迴演唱會，12子今朝終於返到香港喇！Lokman同Alton率先出閘，分享喺旅程中嘅難忘事，仲話重訪LA勾起當年《全民造星》十強集訓嘅回憶添呀！緊接現身嘅係「死神CP」姜濤同Ian，「姜家人」仲把握機會祝偶像生日快樂；姜Admin坦言最難忘係睇NBA，仲話睇幾多場都唔夠喉；Ian就親解大表哥結婚之謎，「頭號波波」姜濤都話會大方送祝福，笑Cry呀！
其後Jer同Frankie齊齊現身，佢哋都話最掛住香港美食，皮師傅仲大讚「全勤舞王」Jer嘅舞功就快追得上自己。而坐完長途機嘅AK同Tiger都有同Fans揮手示好。
「搞笑孖寶」Stanley同Edan繼續互Mean，Edan自認「黑氣石」纏身，黑到好多心水NBA球星冇得落場；Stanley就回應返「婚訊」，仲即席揀伴郎添，係咪好想知邊位被點燈呢？
最後登場嘅Anson Lo同Jeremy就暢談差啲冇底褲著嘅爆笑情景，教主仲話全靠米米借底褲咁話！想知MIRROR美加之旅有咩趣事，記得睇足本訪問喇！
