【Viu】舞台劇《我推的男子》今晚頭場公演！三位主角Lokman@MIRROR、BabyJohn、Yanny進入大直路進行終極rehearsal，高呼既緊張又期待，BabyJohn更特別感謝Lokman喺騷前最後兩個星期同佢惡補跳舞部份添！
劇中Lokman、BabyJohn以「B&L」組合大玩hehe，有冇發夢夢見對方？係咪已ready好「親熱」？自稱開咗「腐眼」嘅Lokman搞笑分享睇動畫《怪獸8號》都聞到「腐」味，唔知佢又有冇以「腐眼」角度去睇姜濤張露背相？遲吓會唔會改為鍾情男色？Lokman即刻man爆自辯：「直過筷子！我直過彌敦道呀！」而Yanny就劇透綵排嗰陣睇到B&L嘅互動係好享受咁話！
對有傳MIRROR將缺席叱咤記者會，Lokman話一切等候安排，連同即將舉行嘅ViuTV節目巡禮都未知schedule，暫時只focus喺舞台劇上！雖然有好多事仍係未知數，但Lokman就好firm咁透露MIRROR新團歌已經錄好啦，幾時拍MV？《W.T.F.2 Live 2025》籌備成點？有好多鏡粉都估MIRROR 7周年慶祝活動係運動會，Lokman又點回應？今晚播嘅《夜粥先生幾多點》傾心事環節，會唔會派洋蔥？
電影《觸電》票房衝破100萬，主演之一嘅Yanny興奮話遲吓會慶祝！佢話對於有唔少影迷睇完即刻上網happy share，之後見次次都滿座嘅心情係好開心，由5萬票房升上100萬堅係好感動，簡直係一個不可能嘅任務！Yanny亦對羅浩銘入圍金馬「最佳動作設計」、老友柯煒林憑《大濛》爭影帝好開心！另外，杜琪峯、朱淑儀、游乃海、林家棟、顏卓靈、各家人兼FC都有送花籃祝賀！想知更多就睇足本訪問啦！
