【Viu】Ron吳卓羲呢期孖林峯、Bosco黃宗澤日操夜操，今日見佢出活動又的確大隻咗好多！佢笑指阿峯演唱會唔除衫，淨係識玩櫈，咁唔知Ron對表櫈舞又有冇研究呢？依家副body又係咪人生最巔峰嘅狀態？佢更揚言操得成會除衫，咁係幾時先？
Ron今個月頭（2日）就度過咗46歲生日，Bosco仲專登拎埋生日蛋糕上gym room添，果然係老best！不過Ron就竟然話細個唔係咁鍾意過生日，因為喺9月1日開學日之後，更爆咗單童年陰影嘅笑料！爆開有條路，Ron再爆今年有女伴陪過生日添呀！
最近有網民喺澳門一間牛雜店驚見Ron，點知係員工嚟嘅！Ron笑話睇相嗰陣都覺得好鬼似樣，有冇機會同「翻版吳卓羲」見個面？而佢有份主持嘅內地節目《今晚好犀利》，雖然告一段落，但仍話題十足，特別有集係胡杏兒抽中前度Bosco嘅提問卡，嗰part嘅收視飆升之外，網民更大讚Ron秒化解尷尬嗰吓先犀利，Ron又點睇？個節目會唔會添食？
同場仲有不老男神「方中Sir」方中信！佢透露老婆莫可欣陪17歲囡囡符迦晴飛德國參加馬術比賽，勇奪亞軍，超叻女呀！方Sir會點獎勵囡囡？呢位爸爸更意外爆阿女拍緊拖，仲話見過個男仔，讚對方好似自己咁靚仔同乖，又笑話老婆對個女拍拖比佢更睇得開！另外，方Sir預告嚟緊會有兩套電影輪住上，咁就要密切留意啦！依家可以先睇足本訪問！
