【Viu】George歐鎮灝同Alice許寶恆今日出席電訊活動，問到AI係咪令生活更便利嗰陣？George竟然聽咗「便秘」，繼日前噏錯「波多野結衣」後又一力作，果然係備受「訪問之神」眷顧嘅男明星！Alice都話畀秋生哥同George嘅爆笑訪問洗板，笑指George份人不嬲好True，隨即全場爆笑，Alice呢句都有啲料到喎！George仲話希望之後可以同秋生哥繼續為《不赦之罪》謝票，務求可以挖返個坑畀前輩跳，有大志呀！
George透露年底想帶家人去日本旅行，希望費用由自己全包，預算5位數字；Alice聞言即踢爆George日前同P1X3L x 5G嘅飯局仲未找數，搞到George要自認係「長期糧尾」呀！兩位坦言想節目繼續添食，但可以轉個模式娛樂觀眾，咦？同Mike導嘅戀綜Crossover又有冇得諗呢？想知咪睇足本訪問囉！
