【Viu】恭喜晒Dear Jane完成一連四場20周年紅館騷！完騷四子第一個comment就係：「癡線㗎！」大讚四場嘅fans都超熱情，佢哋又逐個講最感動嘅moment，包括Tim話encore唱《到此為止》令佢諗返當時cover呢首歌嘅心情；Howie話知道fans邊離場邊大合唱；「NJ孖寶」Nice、Jackal點成功挑戰邊打鼓邊唱歌等！Nice又跟手自爆呢次開騷打斷咗4、5支鼓棍，破晒紀錄，係力的表現呀！
講到Tim嘅囝囝芯哥拎住結他周圍走，去到邊就彈到邊，Tim即刻話芯哥贏晒，仲爆芯哥大鑊，原來佢係唔識彈結他㗎，呢一切都係扮出嚟，但都勁有台風，Tim更笑話有啲pose都係抄芯哥，難怪Tim要認輸啦！唔知之後係咪真係會教芯哥彈結他？當知道芯哥玩太high被老師話上堂唔專心有咩反應？
提起Tim喺台上畀驚喜老婆Rabeea，唱生日歌又唱自己寫嘅結婚歌，Tim沾沾自稱係plan咗好耐㗎啦！講講吓，Rabeea更驚喜亂入，Tim仲送埋肉嘴添！放閃無極限呀！咁Jackal冇送surprise畀老婆咪好蝕？會唔會俾老婆詐型㗎？至於講返Jackal冇守承諾晒「消防喉」，佢又點兜？「最後通牒」就喺9月嘅澳門騷？到時芯哥又會唔會上台做嘉賓？想知就睇足本訪問啦！
