【Viu】《破．地獄》在今屆香港電影金像獎共獲5獎，除了衛詩雅得影后、朱栢康獲最佳男配角之外，還有「最佳編劇」陳茂賢、鄭緯機；由林家謙作曲、填詞同主唱嘅《普渡眾生》膺「最佳原創電影歌曲」；朱芸編則奪「最佳原創電影音樂」，不得了呀！
喺樂壇獲獎無數嘅家謙，首奪金像獎坦言感覺神奇，好似開咗一度新嘅門一樣，所以最緊要多謝《破．地獄》嘅「靈魂人物」祖師爺！而朱芸編亦公開多謝女友Winka@COLLAR，仲話想同女友合作音樂添，但係當然要對方公司批准啦！
此外，陳茂賢話拎到金像獎係圓夢，加上見到演員得獎更加開心，希望之後可以開拍一套以香港做題材嘅電影！
