【Viu】天王劉德華共20場嘅跨年紅館騷《今天⋯is the Day劉德華巡迴演唱會2024》，眨吓眼今晚就係尾場啦！講到明係尾場，咁就梗係絕不留力啦，劉華勢要唱爆跳爆紅館！
去到尾段，華仔換上sharp醒橙色套裝話冇諗過幾年冇開演唱會，所有fans都依然同以往一樣：「由第一場開始到今日，係你哋令到呢個演唱會愈嚟愈好！」又指如果有一日冇機會開演唱會嘅話，鬼馬叫大家參加歌迷會！之後全紅館大合唱《如果有一天》、《當我遇上你》、《仍唱我的歌》、《掌聲響起》、《真永遠》等，仲邊唱邊放題式派心兼飛吻，又大叫「我愛你」添，冧暈全場「老婆」！華仔又幽默笑話如果fans願意，80歲都會繼續拍偶像劇：「如果我有120歲，容許我同你哋一齊變老！」
另外，尾場嚟睇騷嘅嘉賓有：余安安、盧海鵬、邵美琪、陳法蓉、吳君如、陳可辛、張繼聰、謝安琪、Gin Lee、炎明熹等！文化體育及旅遊局局長羅淑佩亦有現身，佢話因公事繁忙，所以今日尾場先嚟睇劉華！快啲去片聽歌啦！
