【Viu】「大表波」Stanley@MIRROR首度參演賀歲片《祥賭必贏》，眾所皆知大表波牌術了得，所以佢話收到邀請嗰陣都好開心，不過呢次因為角色設定就未有機會畀佢騷quali，真係好可惜呀！佢話今次係做「阿Sa」蔡卓妍嘅細佬，每次同埋「姐夫」張繼聰一齊拍圍戲都會焗蟹、甚至忍唔住笑到喊，謙稱功力唔及前輩們咁深厚！
一連兩日嘅MIRO fans meeting順利完成，大表姜呢team喺day 2成功做到零的突破，最後攞季軍，咩事推動到佢哋有呢個大逆轉？膊頭舊患發作嘅大表波，仍然可以力王上身揹起姜濤，大表波點評價姜濤嘅重量先？佢又爆全部兄弟喺最後一日都變得勁有好勝心，對有傳Jeremy、Ian玩到嬲豬，大表波澄清冇啲咁嘅事，只係扭計啫！
咁唔知大表波又有冇關心Jer被Edan唔小心用呼拉圈打中「小Jer Jer」？另外，Stanley日前post咗條打籃球嘅英姿片，被隊長阿聰笑話edit過，Stanley又點反擊先？即刻去睇足本訪問啦！
