【Viu】Stanley邱士縉同談善言今日為陳健朗執導嘅港台劇集《獅子山下2024》開工，啱啱拍完喊戲嘅兩位，眼腫腫受訪，但完全冇影響「中同互Mean」本色，火力全開互窒，Stanley笑阿談眼細、阿談就用微妙表情回應「馬鞍山巨龍」嘅校草之謎，仲話手執對方大量「中學黑圖」，隨時ready公開，真係唔使急最緊要快呀！
講到今次係繼《野人老師》後再合作，佢哋異口同聲話唔想下次演情侶，最好合作《打天下3》，可以奉旨打交咁話！阿談亦戥AK喺釜山攞獎興奮，雖然身處同一天空下，但無緣親身見證，可惜可惜！
至於Stanley透露MIRROR團綜已經拍完，但自己冇對下廚產生興趣，堅信叫外賣係最正確嘅選擇。大表哥又還原點解喺《突然探班》踢爆姜濤著增高鞋墊，想知就睇足本訪問啦！
