【Viu】Anson Kong@MIRROR同希晉@ROVER今日喺將軍澳出席商場活動，吸引大批Fans撐場。曾拍攝《冰上火花》嘅AK，雖然識溜冰，但就冇時間參與柯煒林同黃溢濠嘅冰球隊，仲笑認冇交會費。講到希晉感謝師兄喺後台安撫緊張情緒，AK就話想同ROVER夾Band，仲即席高呼要攞Permission，連歌名都諗埋，真係估你唔到喎！
AK除咗劇透今晚MIRO Fans Meeting有近距離接觸外，又預告「夜粥小組」新歌將於下月推出，笑言係走「關節保健」路線，又呼籲廣告商搵自己拍廣告，狂Sell「再鋒利嘅刀」，喂呀！至於903籃球賽，AK已經Ready好做啦啦隊喇，又話會以「性感林襄」Look上陣，仲公開爭取ViuTV搞運動會，係咪好期待呢？
此外，首次單拖出Event嘅希晉直認好緊張，又自認係「生粉」，鍾意《黑之呼吸》，許願可以同AK合作，但就唔會出solo歌，事關ROVER四位一體！
