【Viu】噚日6歲生日嘅MIRROR，今日齊人出席《2024年度叱咤樂壇流行榜頒獎典禮》記者招待會，講到Tiger同Frankie今年角逐生力軍，佢哋一貫平常心，仲暗示有機會出第二首歌；而有機力爭男歌手獎嘅Ian同Anson Lo都認為獎項係其次！
Jeremy同Edan就開心Share做阿正Talk Show嘉賓嘅感受，米米直認錫手背係即興嘅，但笑言因為有小朋友觀眾而唔敢錫其他部分；撈撈亦笑談對於正姐笑言最遲先諗起Edan，佢即扁嘴扮喊，又首度開腔回應客串劉青雲新片《爸爸》一事！
至於姜濤日前喺社交解釋一直有工作，原來係因為諗唔到寫咩Caption，仲透露埋「17胎」嘅進度。講到Stanley踢爆Jer肥嘟嘟，阿Jer即笑說：「係咪認錯人呀？」但直認有偶爾開心Share肌肉畀隊友睇，又謙稱喺球場上唔係「風之子」，反而係「黃大仙朗拿度」！
想睇齊齊整整嘅MIRROR，記得睇足本訪問喇！
