【Viu】Anson Lo盧瀚霆為今晚《HKT西九音樂節：越流行》壓軸登場，性感上陣嘅撈撈，直認好驚跳到爆鈕，但認為男仔走光總比露乳貼好，所以冇「打底」咁話！為咗呢個騷拔罐治療舊患嘅教主，笑認「精壯」，絕對係「好腰好腎好男人」，睇嚟大表哥有勁敵喎！
撈撈又指獲Liza姐邀約做演唱會嘉賓喜出望外，連父母都O嘴，仲爆教父係阿姐Fans，但就唔劇透係咪合作《迷人Pink Lady》同《熱咖啡》喇！至於團綜《MIRROR Chef》引嚟好多話題，教主唔止直認廚藝去到天堂級，仲話腸胃同腰腎一樣「精壯」，食咩都冇事，但講講吓就認咗試過一次冇洗手煮嘢食噃，why so cute！
此外，AL親回同KC喺音樂節記者會上嘅「打招呼風波」，佢唔覺對方藐自己，亦冇聽過公司會雪藏藝人咁話！呢個訪問資訊量Max，唔睇就走寶喇！
