【Viu】「外星三少女」Anson Lo、Edan同Jeremy今日喺澳門演出濕身音樂節，完騷後精靈接受訪問，Jeremy笑認因為畀Edan踢爆向花姐「請槍」而嬲豬，聽到阿撈一頭霧水，最後Edan重新演繹點樣喺台上「嘲笑」Jeremy，真係SLDPK呀！
Edan透露上次開Live係靈光一閃，加上受吳肇軒嘅「成龍打排球」啟發，因而諗到「成龍打保錡」呢個潮語，教主都笑言呢個潮語已經hit到想唔識都唔得呀！三子又妙語連珠咁回應保錡同菊梓喬嘅緋聞，早前同林明禎傳緋聞嘅Edan，仲話自己都想要多啲空間。講到明禎BB嚟咗香港睇騷，咁Edan又會唔會使出「少年的拼勁」約見面呢？佢就好大方咁答喇！
至於教主亦大方回應「試當真」嘅忍笑片風波，仲趁講心情嚟tag歌，好叻豬喎！而Remy就沾沾話早過姜濤成個禮拜識「SLDPK」，所以唔介意喺同Stanley賀壽方面畀姜濤成為no.1。想笑住入夢記得睇足本訪問喇！
