【Viu】「陳豪」洪嘉豪、陳蕾合體必有笑料！今日佢哋同利物浦三位名宿「上帝」科拿（Robbie Fowler）、中場重炮貝加（Patrik Berger）、史米沙（Vladimír Smicer）玩game決一高下，「陳豪」聯手有冇機戰勝？
見到三位利物浦名宿，Kaho、陳蕾秒變「利迷」，唔知自稱英文Good Good Good嘅Kaho，同三位名宿講咗啲咩？係咪以英文名Joey自我介紹？而陳蕾聽見Kaho有「屯門快槍手」勁朵，佢都唔執輸自封「華納執球員」，真係好想睇呢兩位唱作歌手喺球場上對戰呀！
講到佢哋早前專登飛去利物浦主場之地，陳蕾激罕「表白」：「開心有Kaho喺度！」但下一秒就「投訴」老友，呢隻友誼小船又一次話翻即翻！
Kaho新歌《拜託》MV噚晚（31日）首播，第一個shot又有車，Kaho解釋今年想承繼《黑玻璃》MV，希望首首歌都可以有車嘅元素！陳蕾見Kaho遊完成個花園先認MV拍嚟係自肥，佢就率先自首《五瓣玫瑰》係絕對自肥，見佢喺MV入面翩翩起舞，最近又同Anson Lo跳dance challenge，對跳唱添信心？Kaho嘅「無王」地位有被威脅？
另外，Kaho、陳蕾近日分別撐AK、Ian嘅solo concert，陳蕾貼心幫Hellosss謀福利，引Ian做大心心動作；Kaho就大讚AK唱歌有進步，邊睇邊覺得有自己嘅影子，究竟係咩意思？足本訪問片為大家準備好啦！
