【Viu】姜濤今日再以「香港麥當勞叔叔之家慈善大使」出席《麥當勞兒童愛心馬拉松2024》，同場仲有一眾903 DJ，包括林海峰、森美、小儀、阿正等，場面同天氣一樣咁「熱」鬧呀！期間姜濤哥哥示範拉筋動作，又同麥當勞叔叔Selfie，鳴槍時又畀小儀整蠱，相當搞笑！姜濤坦言第二年做慈善大使好開心，之前探訪觀塘院舍都獲益良多，最開心係可以同小朋友相處，仲話：「小朋友幫小朋友呀嘛！」
姜Admin又開心Share巴黎之行嘅趣事，原來同Wyman餐飯係由自己同AL夾份埋單，仲小酎兩杯添！話晒都係第一次去時裝周，心情又緊唔緊張呢？佢就話比想像中冷靜，仲自爆出場前做咗兩項「神聖儀式」，喂呀！咁True得唔得㗎？
此外，姜濤同花姐都回應返Frankie嘅連串新聞，仲久違地互相鬥嘴，相信呢個訪問都唔難Handle嘅！
