【Viu】有好消息宣布！「才女」卓韻芝要開talk show啦！事隔5年再重返舞台，阿芝話今次喺製作上簡直係前所未有嘅咁盛大，當中竟然有人夠膽challenge才女，搞到佢口啞啞？最後阿芝總括呢次「破處」夠晒爽YY！
阿芝劇透呢次talk show嘅創作靈感，係嚟自佢嘅一次「中女大鬧冰川」死過翻生親身體驗，甚至又將同前夫之間嘅婚姻故事擺上台，赤裸程度爆燈呀！所以當阿芝決定以呢段人生經歷作為主題嗰陣，第一下嘅內心反應係心諗捉蟲，不過佢秉持住「越炒車就越好笑」嘅創作理念，就頭也不回、開行turbo繼續行呢條「不歸路」！
而當決定打開呢個「潘朵拉盒子」，阿芝曾經後悔做過咩決定？要勇敢面對邊幾段黑歷史？因咩解究玩埋「閃卡」？仲要係同姜濤有關？另外，阿芝貼心提醒入場fans，記住到時喺佢出場嗰陣，大聲呼喊佢嘅「新身份」，千祈唔好怕醜！依家就快啲click入專訪片聽阿芝爆料先啦！
