【Viu】娛樂圈又有喜事啦！Ray鍾健威同黃美棋拉埋天窗，喺西貢五星級酒店舉行婚禮，筵開35席宴請親朋好友，分享新婚喜悅！Ray拖住老婆仔喺歡呼聲之下登場，美棋BB一身中門大開、晒「湯碗胸」兼白滑美背嘅婚紗索到核爆！同老公仔Ray化身「接吻魚」咀足成分鐘，呢個閃光彈震撼到呢！
一對新人繼續恩愛拖實受訪，講到美棋BB喺大日子大解放，佢搞笑話唔係有心，更話想挑戰極限換足8套靚衫添！Ray大方笑話老婆靚就得，讚呢個係美棋BB嘅塑身成果，畀足101分添！
自認感性嘅美棋BB，話喊咗好多次，但每次喊都係幸福嘅眼淚，感恩揀到個好老公，呢句勁甜！Ray就話自己冇咁眼淺，又講到今朝被美棋BB考驗，即場彈結他講愛的宣言！至於生B大計，佢哋笑話本身想追個龍B，但發現太急，決定順期自然，兩個就夠晒數！
「星級」兄弟姊妹當中嘅Paula黃芳雯、Rikko李靄璣、盧頌恩、林淑敏，開心share呢日最感動嘅moment！最後更約定明年今日飲Ray、美棋BB嘅小朋友滿月酒添！即刻去片見證鍾生、鍾太簽紙，仲有爆喊講愛的宣言嘅時刻！
